Ceudad agus riadh test questions

1

Obraich a-mach an riadh a choisinn £420 ann an cunntas a bha a' pàigheadh riadh de 7% gach bliadhna.

2

Chaidh £1640 a thasgadh ann am banca. Tha ìre an rèidh aig 4.5% gach bliadhna. Obraich a-mach an riadh sìmplidh a chaidh a chosnadh ann an 9 mìosan.

3

Chuir Sam £600 ann an cunntas sàbhalaidh le ìre rèidh de 2% gach bliadhna.

Obraich a-mach an riadh fillte a gheibh e ma dh’fhàgas e an t-airgead gun bhuntainn dha airson 4 bliadhna. (Cruinnich chun na sgillinn as fhaisge).

4

Chosg còta £48.75 ann an seul anns an robh 25% far na prìse.

Dè a' phrìs a bha an còta bho thùs?

5

Tha taigh a' cosg £102,600 an dèidh àrdachadh 8% ann am prìsean thaighean.

Dè chosg an taigh bho thùs?

6

Cheannaich Farida càr a chosg £7500.

Tha an luach aige ag ìsleachadh 7% gach bliadhna.

An dèidh 2 bhliadhna, dè uiread 's a bha an t-ìsleachadh? (Cruinnich chun na sgillinn as fhaisge).

7

Tha cuideam beinn-deighe air a thuairmeas aig 84000 tunna.

Nuair a tha a' bheinn-deighe a' gluasad a dh'uisge nas blàithe, tha a cuideam a' beagachadh 25% gach latha.

Dè an cuideam a bhios sa bheinn-deighe an dèidh 3 latha ann an uisge nas blàithe? (Obraich a-mach gu 2 fhigear bhrìgheil).

8

Fhuair Jennifer 11 comharran à 25 ann an deuchainn.

Obraich a-mach an comharra ceudadach aice.

9

Tha tostair a' cosg £25 (gun VAT).

Ma tha VAT aig 20%, obraich a-mach cosgais an tostair le VAT.

10

Cuir-ris an dà bhloigh seo.

\[\frac{2}{3} + \frac{1}{9}\]

11

Thoir-air-falbh an dà bhloigh seo.

\[\frac{4}{5} - \frac{1}{3}\]

12

Iomadaich na bloighean seo.

\[\frac{6}{7} \times \frac{{14}}{{15}}\]

13

Roinn na bloighean seo.

\[\frac{2}{3} \div \frac{3}{4}\]

14

Cuir-ris na bloighean seo:

\[2\frac{1}{2} + 1\frac{1}{4}\]

15

Cuir-ris na bloighean:

\[4\frac{3}{5} + 2\frac{3}{4}\]

16

Thoir-air-falbh na bloighean:

\[5\frac{2}{5} - 2\frac{2}{3}\]

17

Iomadaich na bloighean:

\[4\frac{4}{5} \times 1\frac{1}{9}\]