Titradu a chyfrifiadau test questions

Er mwyn i ganlyniadau titradiad fod yn gytûn, o fewn pa gyfaint ddylai’r titrau fod?

Pa ddarn o gyfarpar rydyn ni'n ei ddefnyddio i ychwanegu symiau bach wedi'u mesur o un adweithydd at yr adweithydd arall mewn titradiad?

Pam mae hi'n bwysig rhoi'r fflasg gonigol ar deilsen wen wrth wneud titradiad?

Pa ddarn o'r menisgws dylid ei ddefnyddio wrth ddarllen cyfaint yr hylif yn y fwred?

Beth yw crynodiad, mewn mol/dm³, yr hydoddiant sy'n ffurfio wrth i 50.50 g o botasiwm nitrad (KNO₃) hydoddi mewn 250 cm³ o ddŵr? [Haen uwch yn unig]

Mae disgybl yn canfod bod angen 25.6 cm³ o HCl 0.3 mol/dm³ i niwtraleiddio cyfaint penodol o hydoddiant sodiwm carbonad 0.1 mol/dm³. Beth yw cyfaint y Na₂CO₃(dyfr)? [Haen uwch yn unig]

Na₂CO₃ + 2HCl →2NaCl + H₂O + CO₂

Mae 12.5 cm³ o HNO₃ dyfrllyd yn cael ei niwtraleiddio gan 25 cm³ o hydoddiant bariwm hydrocsid 0.02 mol/dm³. Beth yw crynodiad yr asid nitrig? [Haen uwch yn unig]

Ba(OH)₂ + 2HNO₃ → Ba(NO₃)₂ + 2H₂O

Mae asid ethanöig CH₃COOH a NaOH yn adweithio mewn cymhareb 1:1. Mae 30 cm³ o CH₃COOH yn adweithio â 20 cm³ o NaOH 1.5 mol/dm³. Pa fàs o asid ethanöig fyddai'n bresennol mewn 1 dm³ o'r hydoddiant uchod os yw M_r (asid ethanöig) = 60? [Haen uwch yn unig]

Mewn titradiad asid-alcali, pa ddarn o gyfarpar rydyn ni'n ei ddefnyddio i fesur 25.0 cm³ yn union o'r alcali i mewn i'r fflasg gonigol?

Mewn titradiad, gwerth y titr cyntaf oedd 23.50 cm³. Y gwerthoedd titr nesaf oedd 22.40, 22.80 a 22.90. Pa ddau werth dylen ni eu defnyddio i gyfrifo'r titr cyfartalog?