Learning to drive test questions

Air latha na deuchainn, bu chòir dhut a bhith pongail agus nochdadh ann an àm. Bidh seo a' toirt ùine dhut fois a ghabhail agus a bhith deiseil airson na deuchainn. 'S e beachd math a th' ann cuideachd a bhith a' dèanamh leasan ro-làimh còmhla ri do stiùiriche àbhaisteach.

Why should you be punctual for your driving test?

Tha Ruairidh MacDhòmhnaill na stiùiriche dràibhidh air a' Ghàidhealtachd. Tha comhairle aige do luchd-ionnsachaidh.

"Mholainn an càr aig an stiùiriche agad a chleachdadh. Bidh e aig an ìre laghail airson na deuchainn agus tha e gu math feumail a bhith eòlach air far a bheil a h-uile uidheam anns a' chàr - mar na solais, a' bhataraidh agus an ola."

What does Rory Macdonald recommend to learners?

Bidh mise a' dol còmhla ris na h-oileanaich agam air an deuchainn uaireannan. Tha e ceadaichte dhaibh an stiùiriche a thoirt leotha. Chan fhaod mi càil a ràdh ach tha e feumail ma bhios iad a' fàilneachadh gum faca mi na thachair le mo shùilean fhèin.

What is permitted for those sitting their test?

Tha e cudromach gum bi na sgrìobhainnean oifigeil ceart agad air latha na deuchainn. Mur eil a h-uile rud agad, mar an cead-dràibhidh, cha tèid an deuchainn air adhart.

What do you need to bring to your test?

Anns an deuchainn fhèin, faodaidh tu suas ri còig mearachdan deug beaga a dhèanamh. Mar eisimpleir, ma stadas an t-einnsean nuair a bhios tu a' feuchainn ri gluasad air falbh, 's e mearachd bheag a tha sin, cho fad 's nach eil thu ann an suidheachadh cunnartach.

What example of a minor fault does the text give?

Chan fheum thu an deuchainn a shuidhe anns an sgìre agad fhèin. Tha e ceadaichte a gluasad gu sgìre eile. 'S beag an t-iongnadh gu bheil e nas fhasa pasaigeadh ma bhios tu ann an àite le nas lugha de sholais agus cearcaill-rathaid. Mar eisimpleir, ann an aon àite air a' Ghàidhealtachd, bidh còrr is seachdad às gach ceud a' pasaigeadh. Feumaidh tu faighneachd dhut fhèin ge-tà, "A bheil seo gam ullachadh math gu leòr airson a bhith nam dhràibhear ann an suidheachadh nas trainge?"

What is the pass rate in one place in the Highlands?

Tha Ruairidh MacDhòmhnaill ag ràdh gu bheil e gu math dìcheallach ann a bhith ag ullachadh nan oileanach aige.

"Nì mi cinnteach gu bheil iad eòlach air dràibheadh anns a h-uile seòrsa sìde agus gach uair den latha. Tha mi airson gum bi iad cho sàbhailte 's a ghabhas."

What does Rory Macdonald want for his students?

Bi faiceallach mun àm a thaghas tu airson na deuchainn agad. Dèan cinnteach nach ann aig àm nuair a tha thu gu bhith trang le obair no deuchainnean sgoile a bhios e. Nì seo e nas fhasa dhut a bhith a' toirt an aire air an rathad.

What advice does the text give about your test?

Ma shoirbhicheas tu aig a' cheann thall, a' pasaigeadh na deuchainn, chan eil thu fhathast buileach deiseil den ionnsachadh. Agus ma gheibh thu sia puingean air a' chead-dràibhidh agad anns a' chiad dà bhliadhna, bidh thu air do chasg o dhràibheadh agus feumaidh tu an deuchainn a dhèanamh a-rithist.

What will happen if you get six points in your first two years of driving according to the passage?

Tha cuid am beachd gum bu chòir an aois aig am bi cead aig daoine cothrom fhaighinn air an deuchainn dhràibhidh a chur suas gu ochd-deug. Tha iad an dòchas gun lùghdaich seo an àireamh de thubaistean marbhtach a bhios dràibhearan ùra ag adhbharachadh.

Why are some in favour of raising the driving age to 18?